Actualitats
Lo cònsol d’Espanha a Perpinhan demanda que la vila se diga “francesa” e non pas “catalana”
Las autoritats de la comuna an mostrat lor indignacion per l’intromission del diplomata espanhòl, qu’èra estat candidat del Partit Popular al Parlament de Catalonha
Lo cònsol d’Espanha a Perpinhan, Gauden Villas, a organizat una polemica politica a Perpinhan. Dins un acte public sul torisme, a defendut que Perpinhan deuriá cessar de se dire “catalan” per se dire “francés”. Afirmèt aital: “Vos caldriá dire «Perpinhan lo francés» en plaça de «Perpinhan lo catalan»”, qu’es l’eslogan de la vila.
La reaccion de las institucions nòrd-catalanas foguèt immediata, en criticant l’ingeréncia del cònsol espanhòl. L’adjonch al primièr cònsol de la comuna de Perpinhan, Brice Lafontaine, a respondut amb un long article dins son blòg: i remembra qu’un diplomata deu respectar lo luòc ont es e que seriá inconcebible qu’un francés anèsse a Madrid per dire als madridencs çò que son o çò que lor cal èsser. E mai, Lafontaine remembra que Perpinhan es en Catalonha e que lo diplomata espanhòl es “liure d’anar dins un autre luòc mai «francés»”.
Un jornalista esportiu polemic, reconvertit a la diplomacia
Gauden Villas èra un jornalista esportiu polemic que venguèt diplomata mercés a l’ajuda de l’èx-president de la Generalitat Valenciana, Francisco Camps del Partit Popular. Aviá fach abans de prètzfaches tanben dins las ambaissadas espanhòlas a Londres e en Veneçuèla.
Politicament, Villas faguèt partida de las listas del Partit Popular al Parlament de Catalonha dins l’eleccion del 2012. Nascut en 1971, es licenciat en drech a l’Universitat de Barcelona.
La reaccion de las institucions nòrd-catalanas foguèt immediata, en criticant l’ingeréncia del cònsol espanhòl. L’adjonch al primièr cònsol de la comuna de Perpinhan, Brice Lafontaine, a respondut amb un long article dins son blòg: i remembra qu’un diplomata deu respectar lo luòc ont es e que seriá inconcebible qu’un francés anèsse a Madrid per dire als madridencs çò que son o çò que lor cal èsser. E mai, Lafontaine remembra que Perpinhan es en Catalonha e que lo diplomata espanhòl es “liure d’anar dins un autre luòc mai «francés»”.
Un jornalista esportiu polemic, reconvertit a la diplomacia
Gauden Villas èra un jornalista esportiu polemic que venguèt diplomata mercés a l’ajuda de l’èx-president de la Generalitat Valenciana, Francisco Camps del Partit Popular. Aviá fach abans de prètzfaches tanben dins las ambaissadas espanhòlas a Londres e en Veneçuèla.
Politicament, Villas faguèt partida de las listas del Partit Popular al Parlament de Catalonha dins l’eleccion del 2012. Nascut en 1971, es licenciat en drech a l’Universitat de Barcelona.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo tipe qu'a rason d'ac demandar, s'aquò'u hè content. De tota faiçon, qui se'n chauta?
Bon, militant PP, que deu sa carriera (per lo moment) au famos Camps de Valéncia (que me sembla qu'a agut quauques problemets), de qué se poia esperar de mai ? Constatam amb aquo que per aqueu tipe de personatge, la França (Rosselhon o non) se limita a l'estereotip vin e gastronomia... La cultura progressa.
Encara un còp, se demòstra la catalanofobia espanhòla, encara pauc coneguda a l'estat francés. Podèm grandmercejar lo cònsol d'Espanha d'aver fach veire publicament e internacionala que l'identitat catalana es insuportabla als espanhòls, puèi que sembla que faga fugir los toristas...
Aqueri espanholistes que cren qu'an tostemp eth dret de comandar as catalans, quitament en Rosselhon!
Non cauen comentaris. Se definís eth solet. Sonque cau plòir. E denonciar era incultura dereprentants. Era soleta alegria ei que açò les restarà vots.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari